Egoitzak Erreserbatzeko
—-
Info
hELBURUA
Otaza Auzoa z/g
01206 – Ozaeta – Barrundia
ARABA
Sormen espazioa:
Lan ereduman kokatutako sormen espazioa da gurea. Baserri eta lastategi bat sortzeko gune bezala egokitu dugu. 250m2 antzokia, 6m altuerarekin, zirkorako egokitua eta 50m2ko lau espazio, sortzeko, ikertzeko, biltzeko, elkarrekin birpentsatzeko edo erakusteko prest daude.
Naturaren alde, euskaratik, feminismotik eta profesionala izateko ausardia landu nahi baduzu… ongi etorri Garaionera.
Erresidentzia Artistikoak
Sortzaile, artista, artisau, pentsalari, gizarte eragile edota kultur talde bateko kide bazara, eta
sormen edota egitasmo berri bat landu, ikertu, aztertu edo martxan jartzeko leku bila
bazabiltza jarri gurekin harremanetan. Lanerako gunea, lotarako eta sukaldatzeko espazioa
eskaintzen dugu. Mezu bat bidali eta bertan landuko duzuen egitasmoa aurkeztu eta behar
dituzuen datak proposatu mesedez. Ahalik eta azkarren erantzungo dizugu.
Urteko 30-40 proiektu edota egitasmori ateak irekitzen dizkiogu, eta lanerako espazioa eta jan
eta lo egiteko azpiegiturak eskaini.
Egitasmoetan bidelagun izaten saiatzen gara. Zure beharrak entzun eta ahal badugu
erantzuten saiatuko gara elkarrekin. Proiektuak publikoarekin frogatzeko aukera eskaintzen
digu, entseiu irekiak antolatuz eta eurekin elkarrizketa bultzatuz.
Garaionen lehentasuna eskaintzen diegu, euskaraz sortzen duten emakume sortzaileei eta
profesionaltasunaren bidea hartu nahi duten artistei. Baina aldi berean, gure espazioa irekita
dago proposamen guztietara.
Garaion natura eta artea uztartzen ditugu jardun propio bezala, eta kontzeptu hauetan
mugitzen diren proposamenetan bereziki interesatuta gaude. Zuntz naturalekin lan egitea,
ehungintza, buztin edo lurrak erabiltzea, basoan, zelaietan egitasmoak lantzean, Garaioneko
egitasmoarekin bat egiten dute.
Lastategi bat antzoki bihurtu dugu, zirkoan, airezko lanak egiteko lokarriekin (6m altueran) eta
antzerki edo musika ikuskizunak sortzeko argiztapen eta soinu sistemarekin.